English (UK)SinhalaSriLankaTamilIndia


ஊடக சந்திப்பை நடத்தல்

நாடு முழுதிலும் விவசாய தகவல்களை சேகரித்து ஒரு தகவல் முகாமைத்துவ முறைமையை (DATA BASE)தாபிக்கும் முகமாக கமத்தொழில் அமைச்சு உரிய நடவடிக்கையை எடுத்து வருகின்றது. இது பற்றி ஊடகங்களுக்கு தெரியப் படுத்தும் ஒரு விஷேட ஊடக சந்திப்பு கமத்தொழில் அமைச்சர் மஹிதானந்த அளுத்கமகே அவர்களின் தலைமையில் (2021.01.19 ஆம் திகதி)நாளை மு.ப. 11.00மணிக்கு கமத்தொழில் அமைச்சு அலுவலகத்தில் நடைபெறவுள்ளது. விவசாயம் சம்பந்தமான அனைத்து அரச நிறுவனங்கள் மற்றும் தனியார் பிரிவுகள் பற்றிய தகவல்களை சேகரித்து எதிர்காலத்திற்கு ஏற்றவாறு ஒரு நவீன தகவல் முறை ஊடாக சகல தரப்புகளுக்கும் விவசாய தகவல்களை பெற்றுக் கொடுப்பதற்கு இதன் மூலம் வசதிகள் செய்வது இதன் குறிக்கோளாகும்.

இதன் நிமித்தம் தங்களின் ஊடக நிறுவனத்திலிருந்து ஒரு ஊடக குழுவை அல்லது ஒரு ஊடகவியலாளரை கலந்து கொள்ள செய்யுமாறு தயவுடன் கேட்டுக் கொள்கின்றேன். விவசாயத் துறையின் முன்னேற்றத்திற்காக உங்களின் ஊடக நிறுவனம் நல்கும் உதவி ஒத்தாசைகளை பெரிதும் மதிப்பதுடன் அதற்காக எனது நன்றியையும் தெரிவித்துக் கொள்ள விரும்புகின்றேன்.

பெரும்போகத்தில் நெல்லை கொள்வனவு செய்யும் அரசாங்கத்தின் வேலைத் திட்டம் நாளை ஆரம்பிக்கப்படும்

  • 01 கி.கி. உலர்ந்த சம்பா நெல்லுக்கு ரூ.52.00, 10 கி.கி. உலர்ந்த நாடு நெல்லுக்கு ரூ.50.00 உத்தரவாத விலைகள்
  • ஈரமான நெல்லை கொள்வனவு செய்வதற்கும் வசதிகள்
  • கமநல அபிவிருத்தி திணைக்களம், நெல் சந்தைப்படுத்தல் சபை மற்றும் விவசாயிகள் ஒன்றிணைந்த ஒரு வேலைத் திட்டம்
  • நெல்லை பொதியிவதற்கான உறைகள் அரசாங்கத்தின் மூலம் விவசாயிகளுக்கு வழங்கப்படும்
  • ஆரம்ப நடவடிக்கை அக்கறைப்பற்று நெல் சந்தைப்படுத்தல் சபையின் களஞ்சியசாலை கட்டிடத் தொகுதியில் நாளை ஆரம்பம்

 

நெல் சந்தைப்படுத்தல் சபையின் ஊடாக அரசாங்கம் 03 இலட்சம் மெற்றிக் டொன் அளவான நெல்லை கொள்வனவு செய்யும் ஒரு வேலைத் திட்டம் நாளை ஆரம்பமாகும். அம்பாறை மாவட்டத்தில் நாளை பிற்பகல் நேரத்தில் கமத்தொழில் அமைச்சர் மஹிந்தானந்த அளுத்கமகே மற்றும் இராஜாங்க அமைச்சர் சஷீந்திர ராஜபக்ஷ ஆகியோரின் பங்குபற்றலில் குறித்த இந்த நெல் கொள்வனவு வேலைத் திட்டம் ஆரம்பிக்கப்படவுள்ளது. இதனுடன் இணைந்த அரசாங்கத்தின் பொறிமுறையில் சம்பந்தப்படும் ஊழியர்கள் மற்றும் விவசாயிகள் ஆகியோரின் ஆர்வத்தையும், திடகாத்திரத்தையும் மேம்படுத்தி இந்த புதிய வேலைத் திட்டம் இவ்வாறு ஆரம்பிக்கப்படும். உர நிவாரணத்தை பெறும் ஒவ்வொரு விவசாயிடம் இருந்தும் ஹெக்டேயருக்கு 1000கி.கி. நெல் என்ற வீதம் இந்த வேலைத் திட்டத்தின் ஊடாக கொள்வனவு செய்ய நடவடிக்கை எடுக்கப்பட்டுள்ளது. கமநல அபிவிருத்தி திணைக்கள உதவி ஆணையாளர்கள் மற்றும் நெல் சந்தைப்படுத்தல் சபை பிராந்திய முகாமையாளர்கள் ஆகியோரின் நேரடி மேற்பார்வையில் இந்த வேலைத் திட்டம் நாடளாவிய ரீதியில் செயற்படுத்தப்படும். நாடு முழுதும் சேவையில் ஈடுபடுகின்ற விவசாய ஆராய்ச்சி உற்பத்தி உதவியாளர்களின் ஊடாக விவசாயிகளிடம் இருந்து நெல்லை கொள்வனவு செய்யும் குறித்த இந்த நடவடிக்கையை முன்னெடுப்பதற்கு சகல ஒழுங்குகளும் மேற்கொள்ளப் பட்டுள்ளன. அதே போல் விவசாயிகளுக்கு நெல்லை பொதியிடும் உறைகள் அரசாங்கத்தினால் பெற்றுக் கொடுப்பதற்கும் தேவையான ஒழுங்குகள் மேற்கொள்ளப்பட்டுள்ளன. அரிசி மற்றும் நெல் தொடர்பாக நிலவி வரும் மாஃபியாவை தோற்கடிக்கும் நோக்கில் பெரும்போகத்தில் 03 இலட்சம் நெல்லை கொள்வனவு செய்து அரசாங்கத்தின் வசம் நெல் களஞ்சியத்தை பேணிச் செல்லும் குறிக்கோளுடன் இந்த வேலைத் திட்டத்தை செயற்படுத்த தீர்மானிக்கப்பட்டது. அம்பாறை மற்றும் மொனராகல் மாவட்டங்களில் பெரும்போக பயிர்ச் செய்கை அறுவடைகள் ஆரம்பிக்கப்பட்டுள்ளன. அந்த மாவட்டங்களில் அரசாங்கத்தின் இந்த வேலைத் திட்டம் நாளை முதல் இவ்வாறு ஆரம்பிக்கப்படும். முதலாவதாக நெல்லை கொள்வனவு செய்யும் இந்த நடவடிக்கையை அம்பாறை அக்கறைப்பற்று நெல் சந்தைப்படுத்தல் சபையின் களஞ்சியாலை கட்டிடத் தொகுதியில் நாளை பி.ப. 3.30மணிக்கு ஆரம்பிப்பதற்கான ஒழுங்குகள் மேற்கொள்ளப்பட்டுள்ளன. இந்தத் தடவை, பெரும்போகத்தின் போது 28 இலட்சம் மெற்றிக் டொன் அளவான நெல்லை கொள்வனவு செய்ய எதிர்பார்க்கப்படுகின்றது. விவசாயிகள், நுகர்வோர் ஆகிய இரு தரப்பினரையும் பாதுகாக்கும் முக்கிய குறிக்கோளுடன்இதில் 03 இலட்சம் மெற்றிக் டொன் நெல் இவ்வாறு அரசாங்கத்திற்கு கொள்வனவு செய்யப்படும். இவ்வாறு கொ்ளவனவு செய்யப்படும் நெல்லை களஞ்சியப்படுத்தும் முகமாக நாடு முழுதிலும் களஞ்சிய வசதிகள் எற்பாடு செய்யப்பட்டுள்ளன. இராணுவத்தினரின் உதவியுடன் சகல களஞ்சிய சாலைகளும் புதுப்பிக்கப்பட்டு வருகின்றன. இந்தத் தடவை பெரும்போகத்தில், ஆறு இலட்சத்து அறுபத்து எட்டு ஆயிரத்து நான்கு நூறு ஹெக்டேயர் அளவான காணிகளில் நாடு பூராகவும் நெல் பயிரிடப்பட்டுள்ளது. இது தவிர, மாவட்ட செயலாளர்களின் ஊடாகவும் நெல்லை கொள்வனவு செய்யும் ஒரு வேலைத் திட்டமும் செயற்படுத்தப்படும். எனவே அரிசிக்கு பற்றாக்குறை ஏற்படாமல் அரிசி மாஃபியாவுக்கு தேவையானவாறு விலையை கட்டுப்படுத்த முடியாத வகையில் இந்தத் தடவை அரசு முன்கூட்டியே ஆயத்தமாக இருக்கின்றது. இது வரை நெல் கொள்வனவு நடவடிக்கையின் போது இடைத் தரகர்களுக்கு கிடைத்த பணத்தை இந்தத் தடவை விவசாய ஆராய்ச்சி மற்றும் உற்பத்தி உதவியாளர்களுக்கு பெற்றுக் கொடுக்க தேவையான நடவடிக்கை எடுக்கப்பட்டுள்ளது. அந்த அலுவலர்கள் இல்லாத பிரதேசங்களில் மாத்திரம் ஏனைய மாற்றுவழிகளின் ஊடாக நெல்லை கொள்வனவு செய்ய நெல் சந்தைப்படுத்தல் சபைக்கு சந்தர்ப்பம் கிடைக்கும். இந்த தடவை, பெரும்போகத்தில் முற்றிலும் அரச பொறிமுறையின் ஊடாக நெல்லை கொள்வனவு செய்யும் ஒரு செயற்பாடு செயற்படுத்தப்படுவது விஷேடமானதாகும். அடுத்த மாத ஆரம்பத்தில் இருந்து அறுவடை செய்யப்படும் நெல் நாடளாவிய ரீதியில் கிடைக்கவுள்ளது. அந்த நெல்லை கொள்வனவு செய்ய சகல ஒழுங்குகளும் மேற்கொள்ளப்பட்டுள்ளன.

 

சுஜித் விதாணபத்திரன
கௌரவ அமைச்சரின் ஊடக செயலாளர்

 

 

தியகம மஹிந்த ராஜபக்ஷ சர்வதேச விளையாட்டு கட்டிடத் தொகுதியில் அமைந்துள்ள சுற்றாடல்நேய விவசாய தொழில் நுட்ப பேட்டையை நாட்டிற்கு பயனுள்ள வகையில் கட்டியெழுப்ப நடவடிக்கை

 

  • மேல் மாகாணத்தில் இருக்கின்ற சகல வசதிகள் நிறைந்த ஒரேயொரு சுற்றாடல்நேய விவசாய மாதிரி பேட்டை.
  • 15 ஏக்கர் அளவான நிலத்தில் சகல பயிர்களும் இயற்கை உர பாவனை மூலம் பயிரிடப்பட்டுள்ளன.
  • விளையாட்டு மைதானத்தின் அலங்காரம், விவசாய கல்வி சார்ந்த செயற்பாடுகள், விளையாட்டு வீரர்களின் உளவியல் அழுத்தத்திற்கு தேவையான செயன்முறை ரீதியான செயற்பாடுகள், உள்நாட்டு பயிர்கள் உற்பத்தி போன்ற பல நோக்கங்கள் ஒரே வளாகத்திலேயே பதிந்து காணப்படுகின்றன.

          

ஹோமகம தியாகம மஹிந்த ராஜபக்ஷ சர்வதேச விளையாட்டு கட்டிடத் தொகுதி வளாகத்தில் அமைந்து இருக்கின்ற சுமார் 15 ஏக்கர் அளவான சுற்றாடல் நேயமான விவசாய தொழில் நுட்ப பேட்டையை கமத்தொழில் அமைச்சர் மஹிந்தானந்த அளுத்கமகே அவர்கள் சென்று பார்த்தார்கள். 2011 ஆம் ஆண்டில் ஆரம்பிக்கப்பட்ட மேல் மாகாணத்தில் முழுமையான வசதிகள் நிறைந்த மாதிரி பேட்டையை கட்டியெழுப்புவதற்கு அல்லாமல் பேணி நிருவகித்து செல்வதற்கு தேவையான எந்தவித நடவடிக்கையும் எடுக்கப்படவில்லை என்றும் அதே போல் நாட்டின் மதிப்புமிக்க வளங்கள் இன்று அழிந்து வருகின்றன என்றும் மேல் மாகாணத்தின் அதிகாரிகள் மற்றும் ஊழியர்கள் ஆகியோர் அமைச்சர் மஹிந்தானந்த அளுத்கமகே அவர்களிடம் தெரிவித்தனர். இந்த பேட்டை மஹிந்த ராஜபக்ஷ சர்வதேச விளையாட்டு கட்டிடத் தொகுதி வளாகத்துடன் இணைந்த ஒரு நிகழ்ச்சித் திட்டமாக ஆரம்பிக்கப்பட்டுள்ளது. இந்த முழுப் பேட்டையும், இயற்கை உரங்களைப் பயன்படுத்தி நாட்டில் எந்தவொரு பயிரையும் பயிரிட முடியும் என்பதற்கு எடுத்துக் காட்டாக விளங்குகின்றது. நச்சுதன் தன்மை நீங்கிய உணவுகளை இந்த சர்வதேச விளையாட்டு அரங்கில் விளையாட்டுக்களில் பங்குபற்றும் வீரர்களுக்கும் வீராங்கனைகளுக்கும் பெற்றுக் கொடுத்தல், விளையாட்டு வீரர்களின் உள அழுத்தங்களை தணிக்கும் வகையில் இந்த பேட்டையை பயன்படுத்துதல், உள்நாட்டு பயிர்களை பயிரிடுவதன் ஊடாக முன்மாதிரியான நல்ல ஒரு நாட்டை உருவாக்குதல், சர்வதேச விளையாட்டு மைதானத்தை அலங்காரமான முறையில் பேணி பராமரித்தல் முதலிய பல நோக்கங்களின் அடிப்படையில் இந்த மாதிரி பேட்டை ஆரம்பிக்கப்பட்டது. உள்நாட்டு உருளைக்கிழங்கு இனங்கள், அதிக மேட்டுநில மற்றும் தாழ்நில காய்கறி பயிர்கள், பழ பயிர்கள், குரக்கன், மெனேரி, எள்ளு, பயறு, சோளம், முதலிய பயிர்கள் அடங்கலாக அனைத்து வகையான பயிர்களும் கரிம உரங்களை பயன்படுத்தி இந்த தோட்டத்தில் பயிரிடப்பட்டுள்ளன. 150 வகை மூலிகை தாவரங்கள் வளரும் ஒரு தாவர தோட்டமும் இந்த பேட்டையில் காணப்படுகின்றது. அதே போல், மாடு, ஆடு மற்றும் செம்மறியாடு முதலிய விலங்குகளும் இந்த தோட்டத்தினுள் ஆரம்பத்தில் வளர்க்கப்பட்டாலும் கூட, இன்று அத்தகைய விலங்குகளின் வளர்ப்பு முற்றாக நிறுத்தப்பட்டுள்ளது. தற்பொழுது இரண்டு உத்தியோகத்தர்கள், 7 தொழிலாளர்கள் மற்றும் ஒரு காவல்காரர் ஆகியோரின் ஊடாக முழு தோட்டத்தினதும் செயற்பாடுகளை மேற்கொள்ள நேரிட்டுள்ளமையினால் பல பிரச்சினைகள் உருவாகியுள்ளன என இந்த பேட்டைக்கு பொறுப்புடைய விவசாய ஆலோசகர் திரு காமினி விக்ரமதிலக்க அவர்கள், அமைச்சர் அவர்கள் சென்று பார்த்த வேளையில் தெளிவாக குறிப்பிட்டார்கள்.

 

தற்போது இந்த பேட்டையை பொறுப்பேற்பது தொடர்பில் ஒரு பிரச்சினை காணப்படுவதால் இதனை விவசாய திணைக்களத்திற்கு உரிமை மாற்றிப் பெற்றுக் கொள்ள தேவையான நடவடிக்கைகளை எடுக்குமாறு பூங்காவின் அதிகாரிகள் அமைச்சரிடம் கோரிக்கை விடுத்தனர். விளையாட்டு மற்றும் இளைஞர் விவகாரங்கள் அமைச்சர் நாமல் ராஜபக்ஷ அவர்கள் மற்றும் உரிய அதிகாரிகள் ஆகியோருடன் பேசி கலந்துரையாடி, பொறுப்பேற்கும் விடயப் பிரச்சினையை தீர்த்து வைக்கவும் மற்றும் இந்த பேட்டையை கட்டியெழுப்ப தேவையான நிதியையும் மற்றும் வசதிகளையும் பெற்றுக் கொடுக்கவும் கமத்தொழில் அமைச்சர் மஹிந்தானந்த அளுத்கமகே அவர்கள் இந்த விஜயத்தின் போது உடன்பட்டார்கள். ஆரம்ப கால கட்டத்தில் விளையாட்டு அரங்கினுள் அமைந்துள்ள இராணுவ முகாமின் ஒரு பகுதிக்கு தேவையான உயிர்வாயு, குறித்த பேட்டையின் கால்நடைகள் தொழுவத்தில் இருந்து தயாரிக்கப்பட்டு வருவதாகவும், 4 மெற்றிக் டொக் கரிம உரம் இந்த பேட்டையினுள் உற்பத்தி செய்யப்படுவதாகவம் இதன் பொறுப்பதிகாரி திரு காமினி விக்ரமதிலக்க அவர்கள் அமைச்சர் அவர்களிடம் கூறினார்கள். இதிலிருந்து இது வரை கிடைத்த வருமானம் பொது திறைசேரிக்கு பெற்றுக் கொடுக்கப்பட்டுள்ளது.

 

கரிம உரங்கள் மற்றும் உள்நாட்டு விவசாய முறையியல்கள் மற்றும் நவீன தொழில் நுட்பங்கள் போன்ற சகல வசதிகளும் நிறைந்த இந்த பேட்டையை நாட்டிற்கு பயனுள்ள வகையில் விவசாய கல்வி நிகழ்ச்சித் திட்டங்களின் நிமித்தம் பயன்படுத்துவதற்கு தேவையான நடவடிக்கையை எடுப்பதாக அமைச்சர் மஹிந்தானந்த அவர்கள் வாக்குறுதி அளித்தார்கள். பல வகை ஏற்றுமதி பயிர்களும் இந்த தியகம சுற்றாடல்நேய விவசாய தொழில் நுட்ப பேட்டையில் பயிரிடப்பட்டுள்ளன.

 

அழிந்து அரிதாகி வரும் உள்நாட்டு உணவு பயிர்கள், உள்நாட்டு தாவரங்கள், உள்நாட்டு மரக்கறிப் பயிர்கள், உள்நாட்டு உருளைக் கிழங்குப் பயிர்கள் போன்ற பல பயிர்களை எதிர்கால சந்ததியினருக்காக பாதுகாக்க இந்த தியகம சுற்றாடல்நேய பேட்டையினால் முடிந்துள்ளமையை கண்கூடாக காணக் கூடியதாக உள்ளது. 2 பச்சைவீட்டு பூங்காக்களும் குறித்த இந்த பேட்டை வளாகத்தில் அமைக்கப்பட்டுள்ளன. இவை நிதி வசதிகள் மற்றும் அலுவலர்கள் மற்றும் ஊழியர்கள் போன்ற பற்றாக்குறை காரணமாக இன்று செயற்படுத்தப்படாமல் காணப்படுவதாக இங்கு தெரிவிக்கப்பட்டது. கமத்தொழில் அமைச்சின் கீழ் செயற்படுத்தப்படுகின்ற ஒரு உதவி கருத் திட்டத்தின் ஊடாக அல்லது வேறு ஏதாவது ஒரு முறையில் குறித்த இந்த பேட்டையை கட்டியெழுப்புதற்கு தேவையான நிதி வசதிகளை பெற்றுக் கொடுக்க நடவடிக்கை எடுப்பதாக அமைச்சர் மஹிந்தானந்த அளுத்கமகே அவர்கள் இங்கு உறுதியளித்தார்கள். இது பற்றி ஆராய்ந்து தேவையான நடவடிக்கையை எடுக்குமாறு அமைச்சர் அவர்கள் விவசாய பணிப்பாளர் நாயகம் கலாநிதி திரு டப்ளியூ.எம்.டப்ளியூ. வீரகோன் அவர்களுக்கு அதே வேளையில் அறிவுரைகளை வழங்கினார்கள். கன்னொறுவ தொடர்பாடல் மற்றும் தகவல் தொழில் நுட்ப நிறுவகத்தின் பணிப்பாளர் திரு ஹிரான் பீரிஸ், தாவரங்களின் வைரஸுகளை இனங்கண்டறியும் நிறுவகத்தின் பிரதி பணிப்பாளர் கலாநிதி விந்தியா பஸ்நாயக்க போன்ற பலரும் இந்த அவதானிப்பு விஜயத்தில் கலந்து கொண்டனர்.

 

 

 

சுஜித் விதாணபத்திரன

கௌரவ கமத்தொழில் அமைச்சரின் ஊடக செயலாளர்

 

 

பெரும்போகத்தில் அரசாங்கத்தின் நெல் கொள்வனவு நடவடிக்கை

பெரும்போகத்தில் நெல் சந்தைப்படுத்தல் சபையின் ஊடாக அரசாங்கத்திற்கு 3 இலட்சம் மெற்றிக் டொன் நெல்லை கொள்வனவு செய்யும் நடவடிக்கை நாளை -2021.01.12- ஆம் திகதி பி.ப.

3.30மணிக்கு அம்பாறை அக்கறைபற்று நெல் சந்தைப்படுத்தல் சபையின் களஞ்சியசாலை கட்டிடத் தொகுதியில் ஆரம்பித்து வைக்கப்படும்.



கௌரவ கமத்தொழில் அமைச்சர் மஹிந்தானந்த அளுத்கமகே அவர்கள் மற்றும் நெல் மற்றும் தானியம், இயற்கை உணவு, மரக்கறி, பழ, மிளகாய், வெங்காயம் மற்றும் உருளைக்கிழங்கு பயிர்கள்

ஊக்குவிப்பு, விதைகள் உற்பத்தி மற்றும் உயர் தொழில் நுட்ப விவசாய இராஜாங்க அமைச்சர் சஷீந்திர ராஜபக்ஷ ஆகியோரின் பங்குபற்றலில் ஆரம்ப வைபவ நிகழ்ச்சித் திட்டம் நடைபெறும். உங்களது

நிறுவனத்தின் ஒரு ஊடகவியலாளர் குழுவை அல்லது ஒரு பிராந்திய ஊடக அறிக்கையாளரை இந்த நிகழ்வில் சம்பந்தப்படுத்துமாறும் மற்றும் நெல் கொள்வனவு தேசிய நிகழ்ச்சித் திட்டம் பற்றி நாடு

முழுதிலும் உள்ள விவசாயிகளுக்கு விழிப்பூட்டுவதற்கு தேவையான பிரசார நடவடிக்கைகளுக்கு உதவுமாறும் தயவுடன் கேட்டுக் கொள்கின்றேன்.



விவசாயத்தை கட்டியெழுப்பி உற்பத்தி பொருளாதாரத்தை நாட்டில் மிளிரச்செய்யும் எமது அமைச்சின் நிகழ்ச்சித் திட்டங்களுக்கு உங்கள் நிறுவனம் நல்கும் ஒத்துழைப்பு பெரிதும் மதிக்கப்படும்.


சுஜித் விதாணபத்திரன

கௌரவ அமைச்சரின் ஊடக செயலாளர்

நெல் மற்றும் அரிசி மாஃபியாக்களை நிறுத்தும் நோக்கில் அரசாங்கத்தின் வசமுள்ள மூன்று இலட்சம் மெட்ரிக் டொன் நெல்லை பெரும்போகத்தில் கொள்வனவு செய்வது பற்றிய விஷேட ஊடக சந்திப்பு

ஊடக பணிப்பாளர்/செய்திப் பதிப்பாசிரியர்,

 

நெல் மற்றும் அரிசி மாஃபியாக்களை நிறுத்தும் நோக்கில் அரசாங்கத்தின் வசமுள்ள மூன்று இலட்சம் மெட்ரிக் டொன் நெல்லை பெரும்போகத்தில் கொள்வனவு செய்வது பற்றிய விஷேட ஊடக சந்திப்பு

 

இந்த ஊடக சந்திப்பு கமத்தொழில் அமைச்சர் மஹிந்தானந்த அளுத்கமகே அவர்கள், நெல் மற்றும் தானிய பயிர்கள், இயற்கை உணவுகள், மரக்கறி, பழங்கள், மிளகாய், வெங்காயம், உருளைக்கிழங்கு பயிர்கள் ஊக்குவிப்பு மற்றும் விதைகள் உற்பத்தி மற்றும் உயர் தொழில் நுட்ப இராஜாங்க அமைச்சர் சஷீந்திர ராஜபக்ஷ அவர்கள், கமநல அபிவிருத்தி திணைக்கள பணிப்பாளர் நாயகம் பீ.எம்.எம்.டப்ளியூ. வீரசேக்கர, நெல் சந்தைப்படுத்தல் சபை தலைவர் கலாநிதி ஜட்டால் மான்னபெரும, அதன் உப தலைவர் திரு துமிந்த பிரியதர்ஷன ஆகியோர்களின் பங்கபற்றலில் 2021.01.07ஆம் திகதி மு.ப. 11.30மணிக்கு கமத்தொழில் அமைச்சு அலுவலகத்தில் நடைபெற்றது. இந்த சந்திப்பில் உங்களது ஊடக நிறுவனத்தின் ஒரு ஊடகவியலாளர் குழுவை கலந்து கொள்ளச் செய்யுமாறு தயவுடன் கேட்டுக் கொள்கின்றேன். நெல்லை கொள்வனவு முறை, நெல் இருப்பை பேணிச் செல்லல்என்பன ஊடகவியலாளர்களுக்கு விடயங்களை தெளிவுபடுத்திக் கொள்ள இதன் போது ஏற்பாடு செய்யப்பட்டுள்ளது.

 

இந்த ஊடகவியல் சந்திப்பை வெற்றிகரமாக நடத்தும் வகையிலும்மற்றும் எமது அமைச்சின் வேலைத் திட்டங்களையும் மற்றும் பல விடயங்களையும் உங்களது ஊடக நிறுவனத்தின் மூலமாக விளம்பரப்படுத்தும் வகையிலும் நீங்கள் நல்கும் ஒத்துழைப்புக்கு நன்றியை தெரிவித்துக் கொள்கின்றேன்.

 

 

சுஜித் விதாணபத்திரன

கௌரவ அமைச்சரின் ஊடக செயலாளர்

மற்ற கட்டுரைகள்...

  1. நெல் சந்தைப்படுத்தல் சபையில்களஞ்சியப்படுத்தி வைக்கப்பட்டிருந்த30,000மெ.டொ. நெல்லை மோசடியாக விற்பனை செய்தமை தொடர்பாக குற்றப் புலனாய்வுத் திணைக்களத்தின் அதிகாரிகள் கிளிநொச்சி பகுதியில் ஒரு பிராந்திய முகாமையாளரை கைது செய்துள்ளனர்.
  2. சேனா கம்பளிப்பூச்சி அச்சுறுத்தலைக் கட்டுப்படுத்த அரசாங்கம் ஏற்கனவே அனைத்து சக்திகளையும் ஈடுபடுத்தியுள்ளது
  3. சுமார் 1.2பில்லியன் ரூபா தொகையான நிதி நட்டத்தை அரசாங்கத்திற்கு ஏற்படுத்திய உர மோசடிகளுடன் தொடர்புடைய05ஊழியர்கள் பணியிலிருந்து இடைநிறுத்தப்பட்டுள்ளனர்.
  4. எவென்கார்ட் நிறுவனத்திற்கு கமத்தொழில் அமைச்சின் 5000 ஏக்கர் அளவான காணி பெற்றுக் கொடுக்கப்பட்டது எனக் கூறப்படுவது முற்றிலும் பொய்யானது என அமைச்சின் செயலாளர் குறிப்பிடுகின்றார்

சமூக வலையமைப்பு

        கமத்தொழில்  அ​​மைச்சு 

 

 

இல. 80/5,

கொவி மந்திரய,

மல்வத்தைழுங்கை,

பத்தரமுல்லை, இலங்கை.

தொ/பே: +94-11-2034300

 

மின்-அஞ்சல்:

இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.


பதிப்புரிமை - 2019 

கமத்தொழில் அமைச்சு

சகல பதிப்புரிமைகளும் அமைச்சுக்குரியது 

 

 தீர்வு மூலம்